Qızqayıt Qasımova, “Dayaq Xeyriyyə” cəmiyyətinin himayəsində olan və çətin həyat şəraiti ilə mübarizə aparan ehtiyaclı ailələrimizdən biridir. O, müraciətində stomatoloji problemlərinin onun iş tapmasına ciddi maneə yaratdığını, eyni zamanda təkbaşına böyütdüyü azyaşlı qızının gündəlik ehtiyaclarını qarşılamaqda çətinlik çəkdiyini bildirmişdir.

Qızqayıt xanımın müraciəti diqqətlə qiymətləndirilmiş və onun sağlamlıq ehtiyaclarının qarşılanması məqsədilə layihəmizin dəyərli könüllü həkimi Günay Ələkbərova yönləndirilmişdir. Dr. Günay tərəfindən pasientə tamamilə təmənnasız və könüllü əsasda stomatoloji yardım göstərilmiş, eyni zamanda insani qayğı və anlayışla yanaşılmışdır.

Bu nəcib və humanist yanaşmaya görə Dr. Günay həkimə dərin təşəkkürümüzü bildiririk. Onun bu təşəbbüsü yalnız bir ehtiyaclıya tibbi yardım göstərmək deyil, həm də bir ananın ümidinə, bir uşağın gələcəyinə işıq olmaq anlamı daşıyır.